قدمناه ووقفناك

بسمـ الله الرحمن الرحيمـ

أحبتي الأفاضل :

يقول لي رجل مترف .. درس في أمريكا وترك ثم تاجر .. يقول : مللنا الحياة ..
فجاء وتوظف في جدة .. يقول : كنا مجموعة شباب .. كان معنا واحد – لن أذكر أسمه لو ذكرت أسمه كان عرفه كل الحضور – رغم فساد قلوبنا وفساد أعمالنا .. إلا أذا شفناه قلنا نحن المتقين !
يقول فجر في الأرض .. فجور والله نطلع ندخل الجنة إذا شفناه .. يقول : كان هو الذي ماسك الجلسة .. خصوصاً جلسة الأربعاء والخميس ..
الشاليهات .. وتعلمون ما يحدث هناك .. هو الذي يرتب الأمور .. يقول كنا نحب جلسته .. وخفة دمه .. وضحكه وكذا .. لكن أكثر منه كنا نخاف من
لسانه السليط .. ممكن يستلم واحد فينا معد يدوام ولا عد يجي ..!
يقول : جاء يوم الثلاثاء ما شفناه .. يوم الأربعاء الدوام كان يرج المكاتب كلها .. يضحك على هذا , ويذب على هذا , ويتكلم على هذا ,
ويقول : وجاء ذاك اليوم وجالس على المكتب .. يكتب ما نسمع إلا تمتمة يقول : اللهم أغفر لي .. وتب علي .. إنك أنت التواب الرحيم .. اللهم أغفر لي .. وتب علي .. إنك أنت التواب الرحيم ..
يقول : نعرف كل يوم طالع بحركة .. يقول : جلسنا نضحك عليه .. صلى قعد إلين الساعة 11 ثم خرج من المكتب .. ثم طلعت وراه ..
ثم قال لي : يا فلان – يكلم ولد عمي – تعال ..
الآن الساعة 11 أحسن وقت لصلاة الضحى الآن .. يقول الرجل ما يصلي الآن المفروضة ..
يقول : قعدت أضحك عليه .. ورجعت للمكتب وراح .. وقلت : لا يكون الرجال صادق ..
يقول : طلعت وراه .. إلا والله طلع بعد ما توضأ .. ودخل وصلى .. يقول : قعدت عند الباب وأناظره , يتقدم جاء عند الصف الأول .. ما في المسجد أحد ..
يقول : كبر ثم جلس ينتفض ثم ركع , ثم رفع , ثم سجد, فلا والله ما رفع !!! والله ما رفع إلى أن أذن الظهر !!!
ناسي نفسه … ثم صلى الظهر ثم خرج .. لما انتهى الدوام ..

يوم الأربعاء ما أتصل ولا رد ..!!
فقدناه .. ما عندنا اليوم جلسة .. يوم الخميس ما أتصل ولا رد .. يوم الجمعة ما أتصل ولا رد .. يوم السبت جينا الدوام .. لقيناه جالس في المكتب
وجالس نفس الحركة .. اللهم أغفر لي .. وتب علي .. أنك أنت التواب الرحيم ..
يقول : جلسنا نزود الكلام عليه شوي .. واحد معنا قليل حياء بزيادة ..
فقال له : أسمع يا فلان أن كانت بتتطوع .. تطوع .. لكن والله يشهدون علي الأخوان إني أدفع لك 100 ألف ريال .. بس تعطيني ( النوتة ) اللي معك حقت البنــــــات ..
أدفع لك 100 ألف ريال .. بس تعطيني ( النوتة ) اللي معك حقت البنات …

يقول صاحبنا سمع الكلمة وألا ما سمعها جلس ينتفض وطاح ثم ما تحمل وطلع ..
يقول : لحقته .. يا فلان .. يا فلان مسكته .. يا فلان والله أحنا عارفين زودناه معك اليوم وقل حيانا واجد .. لكن تكفى سامحنا ..
يقول : فمسح دموعه ..
قال : أنت توك تعرفني .. تحسب هالدموع نزلت عشاني ما عرفت أرد عليك .. أنت وإياه .. أنت عارفني زين ..
يقول : ما بكيت إلا هو يتكلم أني تخيلت الرب جل جلاله فوق العرش جالس يسمع هالمسكين وهو يدفع 100 ألف عشان يعصي الجبار ..
والله أني رأفت على حالك أنت وإياه ..
قلت : والله ما أخليك .. لين تعلمني وش ألي صاير ..؟؟
قال : يا أخي أتركني ورح معهم ..
قلت : والله ما أروح ..
قال : أنا يومـ الثلاثاء , كنت مواعد ثلاث بنات , يطلع من وحده ويروح للثانية , يقول طلعت ومسكت طريق المدينة اللي في جدة , مواعد وحدة هناك
يقول : لبقت السيارة ماني فاض أطول أخر الشارع وأديور مشغـــول .. وبقطع الشارع ..
يقول : أول ما نزلت بقطع الشارع .. جاء واحد جنبي أتقدم خطوة يتقدم أوقف يوقف ..
ثم فجأة بلا سابق إنذار أنا واقف هو يتقدم خطوة , يقول : يوم تقدم خطوة إلا وسيارة جاية تمشي بسرعتها القصوى ..
يقول الرجل من الارتباك ألتفت في لمح البصر كل هذه الأمور .. ضرب فيه السيارة ..!!
الصدام في بطنه ورجليه من تحت ورأسه على الكبوت مسحته السيارة في الإسفلت ..!!
يقول : بيني وبينه خطوة ما درى إلا أضلاعه متكسرة , وأسنان متهشمة , وجمجمة منكسرة , والدماء تنزف من كل مكان ..
تجمعوا الناس يبكون .. وأنا واقف فوق رأسه ما بكيت .. !! يقول : جالس أنظر إلى الدماء قد عاثت في ذلك الوجه ..
يقول : والله الناس يشوفون وجهه وأنا أشوف وجه , يقول : جالس أفكر والناس اللي يتصل بالإسعاف .. واللي يكلم بالجوال .. واللي جالس يشوف ..

يقول : جاء واحد قالي :
المرة هاذي وقفنــــــاك وقدمنـــــاه المرة الثانية بنقدمـك أنت .. يقول : ألتفت والله ما فيه أحد ..
قال : أسمع المرة هاذي قدمنـــــاه ووقفنـــــاك المرة الثانية بنقدمـك أنت .. !!!!!!!!

يقول : رجعت البيت قلت خطوة بيني وبينه لو أني متقدم والغرفة مليانة .. سيديات , وأفـــلامـ , وألبومات صــور , !!!!
يقول : خذيتها كلها وحطيتها بالكيس ثم تحسفت !!! قلت والله أخلي ربي يشوفني وأنا حاطها في أخس الأكياس ..
يقول : أخذتها في كيس نفايات – أجلكمـ الله – يقول : وأخذتها ووقفت عند برميل نفايات ومسكت الأكياس ..
وجــــــــاء أبليــس وبجميع الشياطيــــــن اللي في الأرض ..
اللي يقول : تراك بتنتكس , واللي يقول : ترى فيها الأشرطة ما راح تلاقيها لو رجعت .. كل واحد يقول ..
يقول : والله بين هذه الأصوات , يجي صوت عند أذني قول : والله أنقدمـك أنت ..
يقول : فكيت الكيس , وانكسرت الأشرطة , والله انتثرت همومـ الدنيا كلهــا ..وكأن السماء فرجت .. وأرى ربي جل جلاله مستوي على عرشه ..
{أَوَ مَن كَانَ مَيْتًا فَأَحْيَيْنَاهُ وَجَعَلْنَا لَهُ نُورًا يَمْشِي بِهِ فِي النَّاسِ كَمَن مَّثَلُهُ فِي الظُّلُمَاتِ لَيْسَ بِخَارِجٍ مِّنْهَا }
…………..
هذا الرجــــل والله لو ذكرت أسمــه الآن أن تفز القلـــوب إجلالاً لاسمه فسبحان من أعزه .. والله أناس ما قابلوه .. ويدعون له يومياً ..
سبحانه غير كل شيء, غير الله له كل شيء .. والله يغير له كل شيء وهو حياً يرزق ..
على ثغر من ثغور الدعوة .. والله ما سده أحد إلا القليل .. والله أن الناس ما قابلوه والله يدعون له في سجودهم ..
{هَلْ جَزَاء الْإِحْسَانِ إِلَّا الْإِحْسَانُ}

اللهمـ أجزه عنا خير الجزاء , اللهمـ أجزه عنا خير الجزاء , وكما هديته فاهدنـــا , وكما بلغته هذه المنزلة فبلغنا يا رب العالمين ..
أحبتـي :
والله كمـ قدم غيرك , ووقفك .. وقد تكون المرة الجاية ما فيه غيرك ..
{فَمَن يُرِدِ اللّهُ أَن يَهْدِيَهُ يَشْرَحْ صَدْرَهُ لِلإِسْلاَمِ وَمَن يُرِدْ أَن يُضِلَّهُ يَجْعَلْ صَدْرَهُ ضَيِّقًا حَرَجًا كَأَنَّمَا يَصَّعَّدُ فِي السَّمَاء كَذَلِكَ يَجْعَلُ اللّهُ الرِّجْسَ عَلَى الَّذِينَ لاَ يُؤْمِنُونَ * وَهَذَا صِرَاطُ رَبِّكَ مُسْتَقِيمًا قَدْ فَصَّلْنَا الآيَاتِ لِقَوْمٍ يَذَّكَّرُونَ * لَهُمْ دَارُ السَّلاَمِ عِندَ رَبِّهِمْ وَهُوَ وَلِيُّهُمْ بِمَا كَانُواْ يَعْمَلُونَ}

تفريغ لأحد مقاطع الفريق
تفريغ / سموت بالدين

عضوة قسم الإنتاج
فريق جوال الخير
معاً على طريق الخير
تواصل – استفسار – اقتراح
www.jawalk.ws
الإصدار النسائي الرابع.
يقع مقر فريق جوال الخير في مكتب الدعوة بحي الروضة في الرياض.
هاتف:
012492727
فاكس:
012401175
لا تنسونا من صالح الدعاء

0

0